auaaa

Mini Adidas-flip-flops, also die wo es breits Band hend statt dem Ding zwueschet de Zeche, sin irgendwie noed so geignet fuer laengeri Spaziergaeng. Will ich das aber noed gwuesst han bevor ich demit duer de Nationalpark glatscht bin, han ich ez einigi schmerzendi Stelle a de Fuess.
Aber ab morn spillt das ja kei Rolle meh, wil ich uf San Jose gang und am Mittwoch goht min Flug.
Ja es sind wuerklich scho fascht 2 Moenet verbii. Ich chans no noed so wuerklich glaube. Es hetti no so vill zum xeeh do. Und usserdem soellet d Mensche in Costa Rica di gluecklichschte vo de Welt sii....was die Wisseschaftler staendig usefindet....

Aber ich freu mich trotzdem scho uf d Schwiiz.

Findi gar noed lustig!

De Petrus zeigt mol wider sini perfidi Siite. Er het s schlechti Wetter extra fuer mich uufgsparet. Sit ich gescht do in Puerto Viejo acho bin, isches bewoelkt und s regnet ab und zue.

WAS SOELL DAS???

Gnau jetzt woni FERIE will mache isches scheiss Wetter. Ich hoff dases ab morn besser wird. Ich will naemlich go Surfe, Schnorchle, Kueste aaluege und eventuell go Tauche. Alles Sache wo bi guetem Wetter wesentlich meh Spass machet.


Aber wenigstens hani de Strand vo Puerto Vargas bi eitel Sonnenschein gseeh. Das gseht denn oeppe so us:



Quickpost this image to Myspace, Digg, Facebook, and others!

Morgensport

Letscht Nacht sind mir zur Abwechslig mol noed am 10i oder 12i uf Patroullie gange, sondern erst am 4.45 am Morge. Es isch drum gange zum allfaelligi neui Nester z finde. Mir sind im Moment noed so vill Luet do im Projekt, drum choend mir noed 100 Patroullie pro Nacht mache.
Jedefalls isches s erst mol gsii dasi de Playa Blanca entlangglaufe bin. Das isch i die entgegegsetzt Richtig als normal (Playa Negra). De Strand isch meistens chli schmaler oder ueberhaupt noed existent. Das macht di ganz Sach eifacher will mer meh ufm Weg laufe chan.
Mir hend denn au tatsaechlich e Schildchrotespur gfunde, s isch aber en "false crawl" gsii, d.h. si het keis Nest gmacht.
Huet Nomitag goed mir go Eier uusgrabe und bringets i di neu Hachery (det choend mirs bewache). Mol luege wie vill mir sammlet.

Caliente!!!

Ich han ja scho mol aaduetet, dass do i de Karibik d Temperature eher im hoechere Bereich ligget. Aber das isch sehr stark untertribe. Huet am Morge bini am 9i ufgstande wills eifach z heiss zum schlafe gsi isch. Min Wecker het mir gseit: 9:00, 30,5 Grad Celsius.......schwitz....



BTW R.I.P. MJ

Baula

Gescht Nacht isches endlich sowit gsii! Ufm Rueckweg vo de Patroullie hend mir ploetzlich e dunkli Spur entlang em Wasser gfunde. Es het usgseh als waer en Traktor duregfahre. Aber nei, im Nationalpark sind Traktore noed sehr huefig aztreffe. Das heisst es isch wohl doch eher e Schildchrot.
Und tatsaechlich: Mir hend es 1,5 Meter Leatherbackschildkroetewibli gfunde wo am Strand umekroche isch.
Mir hend si denn vermesse und ueberprueft oeb si scho e Kennnummere und en Mikrochip het. (het si) Das isch gar noed so eifach, will si sich staendig bewegt. Und wenn mer noed uufpasst chan si schweri Verletzige mit ihrne Flosse verursache. Wenns ganz bloed chunt choent mer sich sogar es Bei breche. (S sind kei boesartigi Tier aber das choent us versehe passiere)
Denn hemmer gwartet, zum luege oeb si Eier leit. Si isch denn aber nach 30min wider im Meer verschwunde. Mir hend glueget oeb si scho es Nescht gmacht het bevor mir si gfunde hend. Aber au nach 30min Loecher grabe hemmer nuet gfunde. Mir hend also kei Eier gfunde aber immerhin hani mini Schildchrot gseh. Das isch meh als es paar Volunteers us Amerika gseh hend. Und die sind 14 Taeg im Projekt xii.

Puerto Vargas

Ich bin also am Mentig do in Puerto Vargas acho. S Schildkroeteprojekt isch direkt vor em Nationalparkigang. Mir wohnet imne Gebaeude wo eigentlich zum Hotel/Hostel vo nebetdra ghoert. Das isch ganz praktisch will mir drum staendig choend in Pool mit Bar, zum ues abchuele :D .
Im moment isch gad e ISV-Gruppe (ISV isch e Volunteerorganisation) do. Alles Amis, aber si goed am Fritig.
De Strand do isch de WAAAAAAHNSINNN!!! Wunderschoen, mit Palme und andere Baeum, fiine Sand und hellblaus Meer. S Wasser isch zwar sehr Warm, aber immerno chueler als de Sand. Ich han eigentlich andauernd Rege erwartet, aber stattdesse isches super Wetter und s regnet nur ab und zue am Obig. Ah ja uebrigens: D Welle sind zimlich hoch und s macht richtig Spass im Wasser. Ich mues noechscht Wuche mol versueche Surfe z lerne...

Ez aber zur Arbeit: Jedi Nacht wird am Strand patroulliert. Es git 3 verschideni Schichte, eini vo 8-12, eini vo 10-02 und eini vo 12-04. Mir laufet also in voelliger Dunkelheit, bi ca. 23Grad, waehrend 4h am Strand entlang. Ich weiss noed gnau wievil Kilometer, aber s sind einigi.
Bis ez hani no kei Schildkroete gseh, aber ich bin au erscht 2mol go laufe und s isch noed gad Hochsaison. Aber ich hoffe dasi denn scho no mol es paar find.

Im Moment bini gad in Cahuita imne Internetcafe, d.h. es git nueme so regelmaessigi Updates wie bisher. Han noed immer Ziit zum uf Cahuita fahre.

Back in town

Ich bin ez gad nach emne 5h Reisli in San Jose acho. Ich bin wider im gliche Hostel wie a mim erste Tag in Costa Rica vor fascht 5! Wuche.
Ich gnuess ez gad s erschti schnell Internet sit mindischtens 2 Wuche ;).

Gescht hemmer natuerlich no heftig Abschidsparty gmacht wies sich ghoert :). Debi hani e neui Biertrinktechnik glernt woni am liebste gad wider wuerd vergesse. Das ganzi heisst "to shotgun a beer" und lauft folgendermasse ab:
Man nehme 1 Dose Bier und 1 Messer, schneide ein Loch in die untere Haelfte der Dose, offne die Bierdose und trinke das Bier durch das untere Loch.
Mer choent au sege Bier exe...isch noed min Lieblingsweg zum das trinke.

So ez muesi go luege oeb d Laede do in San Jose offe sind amne Sunntig. Ich bruch no es paar Sache.