Serpiente Numero 2

Huet, churz vor Fiirobig, isch ploetzlich de Francisco (schafft au im Garte) zu ues cho und het irgendwas unduetlichs gschwaflet. Verstande hani fascht nume s Wort Boa. Ich und d Sarah sind ihm denn hinedrii glaufe bis zum hinterste Winkel vo de Farm.
Und det isch si xii: Es riiiise Viich. E oeppe 4m langi und ca.25cm dicki Boa Constrictor! Und si isch noed wahnsinnig relaxed gsi, will si e Wunde gha het. Mir hend si denn us 5m Abstand es Wiili lang bewunderet. (Die choend schinbar so wiit gumpe wies lang sind...).
E halb Stund spoeter bini denn nomol mitm Memo und minere Digicam zruckgange und han es paar Foeteli gmacht (ich versuechs denn mol ufezlade). Das isch mol wider es Erlebnis xii.



Quickpost this image to Myspace, Digg, Facebook, and others!

Timo der Moerder...aehm nei Gaertner

Jetzt wo de Martin weg isch und en neue Volunteer (Collin, nomol en Ami) do isch, bin ich befoerderet worde (weiss noed oeb das s richtig Wort isch...). Jedefalls schaff ich ab sofort nuem i de Bar sondern im Garte. Das heisst, statt wie voher am halbi 8i afange und bis am 4i schaffe, gohts ez scho am 6i los, und hoert am 4i uf. Defuer hani ez glaub 2 Freitaeg statt nur 1. Ich mues aber nomol nofroege.
Was ich noch eim Tag im Garte scho weiss, isch dass d Bar en zimlich easy Job isch. Aber s Lebe isch halt kei Schoggi ;)
Am Vormittag hani am wohrschinlich schlimmschte Ort uf de ganze Farm agfange: Im Kompost. Das stinkt zum Teil erbaermlich!! Aber de Kompost bestoht ja us halb verrottetem Gruenzuegs und Pferdemist. Us dem Zuegs choent mer Biowaffe baue. Costa Rica chan froh sii, dass kei Erdoel hend, suess waer scho lang d USA iigfalle zum "Fride und Demokratie bringe".
Am Nomitag isches denn zum Glueck noed im Kompost witergange. Defuer hani oeppe 15 Quadratmeter oder meh muese umgrabe. Aber zum Glueck isch s Werkzueg so wahnsinnig usgriift....e ca. 6kg schweri Metallhacke, wo sich denn noch 3h Arbeit i de Sunne (es paar Wolke hets scho gha) oeppe 20kg schwer worde isch. Es isch eigentlich es Wunder dass ich das Mail no chan schriibe, will mini Haend sich afuehlet als waer en Traktor druebergfahre.
Aber ez isch gnueg gjammeret. S git ja schliesslich Muskle ;)

Bar

Also mit de Bar und em Restaurantbetrieb isches da echli speziell. Vor allem fuer mich und d Sarah isches gwoehnigsbeduerftig, will villes halt noed gad i de Schwiizer Norm ablauft.
1. Die Drinks womer chan bstelle (s git uebrigends gnau 1 Getraenkecharte i de bar) sind noed alli machbar, will ganz eifach noed alli verschidene Likoer oder anderi Inhaltsstoff vorhande sind (kei Orangesaft,....).
2. Zum Glueck trinket d Gaescht meistens ersch nachem 6i Wii und Drinks, wills denn scho dunkel isch. Am Tag xeeht mer naemlich d Kalkflecke uf de Glaeser, will mir us irgend emne Grund kei Tuechli i de Bar hend zums abtroechne.
3. D Organisation isch au noed gad vom feinste. Es isch naemlich meischtens so, dass obwohl 2 Luet i de Bar schaffet (de Rigo, und Ich oder d Sahra) meischtens nur mir Volunteers oeppis tuend. De Rigo isch meischtens demit beschaeftiget sich mit de Gaescht z underhalte oder sini Mails z lese. Aber er isch halt de Chef....
4. D Bedienig....Mir muend do waehrend em Esse staendig go kontrolliere oeb irgendwer de Teller usgesse het und denn sofort abrume. Mir soellet noed warte bis alli am Tisch fertig sind. Das bin ich mich us de Schwiiz andersch gwoehnt.

Aber s isch halt sowiso alles chli anders in Costa Rica

Volunteers

Wien ich vorher schomol gschribe han, bini noed de einzig Volonteer do uf de Ranch. Ussert mir sind no do: d Sarah, e 29jaehrigi Baslerin, wo au a de Bar schaffet, de Martin, 24i us Kanada, und d Carol us Portland. Denn hets no 2 Amerikaner wo fescht als Choech agstellt sind.
D Sahra isch 4 taeg vor mir do acho und goht am 5.juni uf panama, chunt denn aber noher wider zrugg.
De Martin goht scho uebermorn, nur d Carol bliibt, wil ihre Fruend eine vo de Choech isch.
S isch chli schaad das 2 scho bald weg sind, wills langsam aber sicher gueti Kollege werded.
Ich han aber ghoert das schinbar 3 Israelitinne (oder wie heisst das) do ane choemet. Mol luege wie die so sind.

Au mit de Costa Ricaner wo da schaffet hanis immer luschtig, wills di ganz ziit am witz risse sind (ich chum aber au noed immer ganz druss...). Vor allem mit de junge Luet isches am eifachschte zum rede, will mer im Notfall au mol ufs Englische chan zruckgriife.

Arroz y frijoles

Ich bin ez scho chli meh als 1 Wuche do z Costa Rica und han mir scho es Bild vo de Essgwohnheite choene mache. Uf de Rancho Margot gits fuer ues Agstellti noed wahnsinnig vill Abwechslig. Das heisst zum Zmorge: Riis, Bohne, ab und zue Pancakes(mjam) und Muesli. Zum Zmittag: Riis, Bohne, und entweder Poulet, Lasagne, Schweinefleisch oder oeppis i die Richtig. Und Zum Znacht: Was echt? Jaaaaaa Riis, Bohne und wider irgendwas Fleischhaltigs.
S erstuunlichi debi isch aber dases irgendwie immer wider guet schmeckt :)
Im Moment bini aber gad in La Fortuna und gang glaub mol in Burgerking ^^.

Schweinegrippe!!!

Hiiiilfeeee! Verdacht uf Schwiigripp!
Ganzi Gschicht: Eine vo de Gaescht isch chrank worde und denn zum Doktor. De het ihn undersuecht und usegfunde: Isch nixxxx. Er het aber d Resultat as Gsundheitsministerium witergleitet und die hend gseit: Schwiigripp!!!! Hilfe rennet alli devo!!!
Aber ez isches irgendwie doch wider so das glich nuet isch. Also Entwarnig.

Aber villicht aenderets ja ihri Meinig nomol. :)

Springbreeeeaaaak!!!!!!

Okeee de titel isch chli uebertribe. Jedefalls isch di letschte 2 taeg e studentegruppe us utah do xii. uf "forschigsreis"..... D.h. si hend jede tag muese en tagebuechiitrag oder so schriibe waehrends uf ere partyreis duer costa rica sind.
Ploetzlich isch s bartenderlebe vill spannender und underhaltsamer worde. :) Nachdem zimlich vill bier gflosse isch hend si sich denn no fuer en bsuech i de hot springs entschide. Mir sind denn also e halb stund autogfahre und hend choene imne bach/fluss wo uf de einte siite heiss und uf de andere chalt xii isch go bade. und das bi kompletter dunkelheit ^^
Es het vill spass gmacht aber defuer bini am naechschte tag total gschlisse i de bar gstande.... Pura vida halt.

Lago Arenal

Will ich gescht erscht am Obig han muese schaffe, hani am Morge Ziit gha zum en uusflug mache. Zum Glueck wohnt i mim Zimmer de Memo, en Costa Ricaner wo vor es paar Moenet do als Guide gschaffet het und ez i de Chuchi isch.
Mir sind denn so oeppe 1.5 h duer de Jungle gspaziert (Spaziere isch s falsch Wort, mir hend u.a. en Fluss ueberquert wo mir bis ad Hueft gange isch. Underwegs hemmer denn aber Glueck gha und e Gruppe Spider-Monkeys troffe, wo irgendwie noed so vill Freud a ues gha hend wie mir a ihne. De Weg wo mir duere sind, wird normalerwiis fuer d Riittoure wos uf de Ranch aabuetet brucht. Mer gseeht sehr vill schoeni Pflanze und vor allem en riise Berg Schmetterling. Schlussendlich simmer denn am Lago Arenal aacho und hend chli gsuennelet bevors wider Richtig Ranch gange isch.

Party-Life en la Selva

Am zweite Obig woni da xii bin, bini au scho vom sou-chef vo de Chuchi (Volunteer us de USA) in Usgang iglade worde. Mir sind also z 5. (Sou-chef, sini verlobti, und 2 jungi costa ricanischi agstellti) oeppe 2km wiit glaufe und sind zu "Pizza-John" go Pizza esse. A dem Obig hani sehr vill zur kulturelle Horizonterwiterig vo de 2 Amis in Sache Schweizerkunde biitreit. Si hend wuerklich noed gand vil ueber d Schwiiz gwuesst (Mir hend uebrigens Wikingerhelm...), aber s git glaub schlimmeri. Hauptsach si sind nett :)

Uf em heiwaeg bini denn no fascht uf e korallenviper tramplet. Si isch zwar giftig, chan aber Mensche nur ganz schwer bisse, wil si s Muul noed wit uufbringt. Ah ja uebrigens: Da uf de Ranch soett mer immer wenns dunkel wird nur no mit enere Taschelampe umelaufe, wills schinbar es paar nachtaktivi Giftschlange geh soell.

Bartender Timo

Da uf de Ranch isches schinbar so, dass di neue Volonteers i de Bar aafanget.
Ich han ez 3 Taeg i de Bar gstande, aber wills fascht kei Gaescht gha het isches eher langwilig als ultraspannend xii. Drum hani au chli ziit gha zum alles chli aaluege und mitm Rigoberto, em Barchef, chli z rede.
Huet aber sind gad zimlich vill Touriste acho. Das heisst es wird aastrengend huet obig, will die Amis sich sicher d lampe fuelle woend. Pero vamos a ver. Solang de Rigoberto d Cocktails mixt und noed ich, chan eigentlich noed so vill schief go.

Rancho Margot

Woni nach dere tolle Busfahrt in La Fortuna aacho bin hani zerscht mol 2h muese uf de shuttlebus warte. Han leider noed meh als de Park und d Chirche vo La Fortuna xeeh, wills halt eifach chli unguenstig isch zum mit allem Gepaeck go Sightseeing mache.
Immerhin hani Glueck gha mitm Wetter. Chum bini im Auto xii hets aafange regne wie bloed. Duer das sind denn die oeppe 30km bis zur Farm zumne Abentuer worde. (2mol isch d stross uf ca.15m breiti vomne wildbach/fluss ueberschwaemmt xii.)Gschafft hemmers aber trotzdem. Ich bin denn im Fieldhouse zaeme mit 3 anderne iiquartiert worde. 1 kanadische Volunteer und 2 Costa Ricaner wo da schaffet. Alles netti Sieche :)
Am naechschte Morge am 6.45 hets z morge geh und spaeter hani denn anere ranchtour fuer touriste teilgno zum di ganz aalag mol z xeeh.
Fuer die wos noed wuesset: Rancho Margot isch e Touristefarm mitte im Costa Ricanische Urwald und produziert fascht alles was bruchet selber. Goed doch eifach mol uf www.ranchomargot.org. Det hets au es paar Fotos vom ganze. Ich weiss noed oeb und wenn ich selber fotos wird ufelade, wil s internet da sooooooo langsam isch....
Jedefalls isches da wuerklich seeehr schoen und gmuetlich. Es isch zwar sehr abglege aber defuer isches mitten im costa ricanische jungel.
D luet wo da schaffet sind au alli ganz nett und fruendlich, au wenis noed immer ganz verstand wills imne schlimme dialekt redet. Aber wenn si sich aastrenged und langsam redet ganz eigentlich ganz guet.

Welcome to San Jose

Aaaalso....erste Iitrag.

Nach insgesamt 13h flug (+2h in Madrid) bini endlich in San Jose gelandet und bin vomne fruendliche gwitter empfange worde. Ich bin vom Shuttlebus vom Hostel id Stadt gfahre worde und han schomol en erste iidruck vom costaricanische Verkehrswese uebercho (au wenn min fahrer no einigermasse aastaendig gfahre isch). Insgesamt isches chli e mischig zwueschet china und ecuador xii.

Am oobig bini denn mitm marco wo ganz zuefaellig au z san jose isch eis go zieh.

Nachdem ich endlich echli mis schlafdefizit han choene uusgliche (han debi de zmorge verpennt) bini chli duer san jose gspaziert und han denn im...aachtung...mc donalds zmorge gesse. (ruehrei, pancakes usw. )

Denn isches au schowider ziit xii zum de bus uf la fortuna z neh.....ich bin eifach z gross fuer en ueberfuellte bus wo kei platz fuer mini bei het. (und das waehrend 4.5h)

Bananen-Timo in Costa Rica

Hallo Zusammen

Hier soll ab jezt Timos Blog über seine Zeit in Costa Rica entstehen.

Let's get it crackin'