Phuuuuuuuuuuuh!!!

Riiise Schrecksekunde/minute/stunde fuer de armi armi Timo!!!
Gescht bini mitm Yoyi (eigentlich Jorge), em juengere Brueder vom Memo in sone Art Zoo gange. Doet hets Tier wo i Chaefig uufgwachse sind und noed i de freie Natur ueberlebe choend. Es hett Affe, Tapir, Krokodil, Leue, Leoparde, vill Voegel, Ozelots,....
Jedefalls hani flissig Fotos gmacht, und denn hets agfange regne wie bloed. Ich han denn also mini nigelnagelneui Digicam schoen i de Schutzhuelle versorget. Nach dem Zoobsuech simmer denn no chli uf Quesada go Glace esse. (Feiiin!)

Und ez chunt de dramatisch Teil. Die folgende Nachricht ist nicht fuer Jugendliche unter 18 Jahren geeignet. Auch Personen mit schwachen Nerven werden gebeten diese Internetseite umgehend zu verlassen.







Okee so schlimm isches noed. Aber Sorge hani mir scho gmacht. Es isch naemlich so gsii: Huet Nomitag hend mir woelle de Berg deruf zumne Wasserfall. Ich han also d Digicam gholt und han si aagstellt. Und was mues ich gseeh???!! Si macht nur stark verschwommeni Bilder will d Linse fuecht gsi isch! Paaaniiikkkk! Ich bin in Costa Rica und mues no Millione Fotos mache, und das goht schlecht mit enere kaputte Linse.
Ich han si denn mol anen trochne Ort gstellt und denn simmer zum Wasserfall.

S erscht woni gmacht han womer heicho sind isch gsii, d kamera uszprobiere und JUHUUUUUUUUUUUUU!!!!! Isch wider ganz und trocke! Olé!
Ente gut alles gut. :)