Wandelndi Biowaffe

Han ich schomol vo de zwei Ranchhuend verzellt? Weisses nueme. Aber das isch egal, ich schriib ez eifach mol was ueber die.
Also: Es het 2 Huend, Goldenretriever, wo am Bsitzer vom ganze Zirkus ghoeret. Ein Maennli und ein Wiibli. S Maennli heisst Acha (ja irgendwie toent das noed sehr maskulin, beduetet aber glaub oeppe sovil wie hakuna matata uf indisch). Und s Wiibli heisst Caramel, will ihres Fell die Farb het. Si choent aber au so heisse will si zimmlich fett isch.

Si sind beidi ganz liebei un haerzigi Huend. Doch es git es erheblichs Problem mit beidne. SI STINKEEET!
Die zwei spazieret naemlich de ganz Tag uf de Ranch ume und goend staendig go bade. Resultat: En eher unagnehme Duft.
Aber chan sich ja d Haend waesche nachem striichle.

Hani echt no nuet vo dene verzellt? Han kei Ahnig...