Scho wider en Schock!

Verdammt, hoert denn das nie uuf? Han scho wider es Major Problem gha!

Also s isch so xii: Ich han gescht und vorgescht mini freie Taeg gha und bin zum Memo hei (wie alli fliissige Blogleser wuesset ;) ). Will aber de Memo erscht huet am 2 het muese schaffe, hend mir denkt mir goend beidi mitm gliiche Bus. Pflichtbewusst wie ich bin, hani uf d Ranch aagluetet und gseit das ich erscht uf de Mittag chum. Und das isch schinbar in Ordnig xii.
Mir sind denn also huet am Mittag uf de Ranch aacho, und ich han woelle aafange schaffe.
.
.
.
.
.
ACHTUNG SCHOCK!!!!!!!
.
.
.
.
Do seit mir min Gartechef, das de Bsitzer (Juan),wo im Moment gad in San Jose isch, gseit heg das ich huet vo de Farm mues.
SAY WHAT????


Ich han denn also mis Zuegs packt und versuecht mich uf die neu Situation iizstelle. De Memo het scho gseit ich choen zu ihm hei go als "Volunteer" schaffe, was eigentlich gar noed so e schlechti Idee waer.
Ich bin denn aber zum Fred, em Sohn vom Juan gange und han mit ihm d Situation besproche. Ich han ihm erklaert was gnau passiert isch und nachemne Wiili hanen choene ueberrede dasi chan do blibe. Phuuuu!!....Haaaarscharf isch das gsii...
Do het sich glaub min bisherige Iisatz uf de Ranch bezahlt gmacht.
Aber wenn das so witer goht hani denn bald en Herzinfarkt oder so..

Uebrigens: Costa Rica-USA; 3-1 Juhuu!