Timo der Koboi

Gescht han ich mol wider en freie Tag gha. Und zum erste mol han ich choene uf e Tour mitgoh, wos do aabuetet. Ich bin zaeme mit 2 amerikanische Touris und eim Guide zumne Wasserfall gange.
D.h. zerscht isches per Pferd (mis het Zorrito gheisse) oeppe 1h15min meh oder weniger grad uus gange, mehreri Flussueberquerige inklusive. Denn hemmer d Pferd amne Baum festbunde und sind 1h z Fuess dur de Jungle kraxlet. Nachdem mir denn no dur en zimlich tuefe Fluss/Bach gschwumme sind, simmer denn am Wasserfall aacho. De isch in sonnere Art Kanal, d.h. er isch links und rechts vo hoeche Steiwaend begrenzt. Ich zeig denn mol es Bild wenni an es aastaendigs Internet chum.
Nachdem mir di mitbrochte Sandwich verspiist gha hend isches denn wider de ganz Weg retour gange.
Debi hani choene feststelle das Schlange mich irgendwie ganz bsonders aazuechend findet. Es het sich naemlich scho wider eini zwueschet mine Bei duere gschlaenglet. Aber dasmol isches wenigschtens kei Giftigi xii.

Schlussendlich bini fascht chli stolz uf mich dases mi noed voll vom Pferd abegschmisse het ;) S isch schliesslich s erstmol sit Jaaaahre das ich uf somne Viich gsesse bin. Lucky Luke-Style halt :)